Cabbar İbrahim oğlu Qarayev –fizika-riyaziyyat üzrə fəlsəfə doktoru, dosent
1960 – cı ildə Goranboy rayonunun Nizami kəndində anadan olmuşdur. 1977 – ci ildə Goranboy rayon Nizami kənd orta məktəbini bitirmişdir. 1979 – cu ildən 1981 – ci ilə kimi Moskva şəhərində hərbi xidmətdə olmuşdur.
1982 – ci ildə Kirovabad Dövlət Pedaqoji İnstitutunun fizika-riyaziyyat ixtisasına daxil olmuş, 1987 – ci ildə həmin fakültəni fərqlənmə diplomu ilə bitirmişdir. 1985 – ci ildən 1990 – cı ilə kimi İnstitutun komsomol komitəsinin katibinin müavini işləmişdir. 1990 – cı ildən 2000 – ci ilə kimi Gəncə Dövlət Universitetinin tələbə həmkarlar təşkilatının sədri işləmişdir.
1992 – ci ildən Mühəndis Pedaqoji fakültəsinin “İstehsalat əsasları və əmək təlimi “ kafedrasında müəllim kimi fəaliyyətə başlamışdır. 1998 – ci ildə “İndium-selen əsasında radiasiyaya davamlı fotoqəbuledicilər” mövzusu üzrə dissertasiya işini müdafiə etmiş və fizika-riyaziyyat elmləri namizədi alimlik dərəcəsini almışdır.
2001 – ci ildən 2011 – ci ilə kimi GDU – nun Fizika və texniki fənlər fakultəsində tədris işləri üzrə dekan müavini vəzifəsində işləmişdir. Hal-hazırda “ÜTF və texnologiya” kafedrasında dosent və Gəncə Dövlət Universitetinin “Təcrübə və karyera” şöbəsinin müdiri vəzifəsində işləyir.