Emin Kərim oğlu Yaqubov –texnika üzrə fəlsəfə doktoru, dosent
1966-cı ildə Gəncə şəhərində anadan olmuşdur. 1982-ci ildə Gəncə şəhəri Mir Cəlal Paşayev adına 39 saylı orta məktəbi bitirmişdir. Həmin il Azərbaycandan köçürmə yolu ilə Gürcüstan Politexnik İnstitutuna daxil olmuş, 1989-cu ildə həmin institutu fərqlənmə ilə bitirmişdir.
1990-cı ildən Gəncə Dövlət Universitetində çalışır. 1992-1996-cı illərədə Azərbaycan Elmi Tədqiqat Kənd Təsərrüfatının Mexanikləşdirilməsi və Elektrikləşdirilməsi İnstitututnun aspirantı olmuşdur. 2000-ci ildə namizədlik dissertasiyasını müdafiə edərək texnika elmləri namizədi alimlik dərəcəsi almışdır.
Hal – hazırda Fizika və texniki fənlər fakültəsinin “ÜTF və texnologiya” kafedrasının dosentidir. Magistratura şöbəsinin müdiri vəzifəsində çalışır.
“Texnoloji proseslərin layihələndirilməsində metalların təzyiqlə emalı nəzəriyyəsinin tətbiqi” mövzusunda elmi-tədqiqat işi aparır.Bir çox elmi konfrans, seminar və beynəlxalq treninqlərdə iştirak etmiş, sertifikatlar almışdır. 50-dən artıq elmi məqalənin,o cümlədən 1 dərs vəsaitinin, 2 metodik vəsaitin və 10-dan artıq fənn proqramının müəllifidir. Elmi əsərləri Azərbaycan və xarici ölkələrin elmi mətbuatında nəşr olunmuşdur.