15 oktyabr 2025- ci il tarixdə “ÜTF və texnologiya kafedrasının” texnika üzrə fəlsəfə doktoru, dosent (attestatsız) Hacıyeva Bahar Sabir qızının II kurs “Maşın mühəndisliyi” ixtisasında “İstilik texnikası” fənnindən “Qazın entalpiyası. Qazın istilik tutumu. Əsas termodinamik proseslər. Politropik prosesin təhlili.” mövzusunda açıq dərsi keçirildi.
Açıq dərsdə GDU-nun GDU rektorunun nümayəndələri, dos.Yəhya Namazov və dos. Cəfər İbrahimov, ÜTF və texnologiya kafedrasının müdiri dos.Elçin Cavadov və kafedranın professor – müəllim heyəti üzvlərindən 8 nəfəri iştirak edirdilər.
Hacıyeva Bahar dərs prosesində yeni mövzunun izahı zamanı əyanilik prinsipinə və müasir kommunikasiya texnologiyalarından istifadə etdi. Dərsə başlamazdan əvvəl açıq dərsdə iştirak edən qonaqları və professor – müəllim heyəti üzvlərini salamladı. Daha sonra kompyuter texnikasından istifadə etməklə mövzunun nəzəri hissəsinin izahına başladı.
Açıq dərsin sonunda, tələbələrlə birlikdə müzakirədən sonra açıq dərs “qənaətbəxş” qiymətləndirildi.