Müəllim Tahirova Tünzalə Tahir qızının açıq seminar dərsi.
28 mart 2022- ci il tarixdə Gəncə Dövlət Universitetinin Fizika və texniki fənlər fakültəsinin II kurs Fizika müəllimliyi ixtisasında Fizika kafedrasının müəllimi Tahirova Tünzalə Tahir qızının “Fizikadan fənn kurikulumu” fənnindən “Qiymətləndirmə anlayışına yeni yanaşmalar”mövzusunda açıq seminar dərsi keçirildi.
Açıq dərsdə Fizika və texniki fənlər fakültəsinin dekanı, prof. M.S.Quliyev, Fizika kafedrasının müdiri dos.N.İ.Quliyev, dos.M.C.Tağıyeva., müəl.f.f.d.A.Y.Həmzəyeva, müəllimlər A.İ.Kazımova., İ.A.Seyidova iştirak edirdilər.
T.T.Tahirova açıq dərsdə iştirak edənləri salamladıqdan sonra tələbələri açıq dərsin mövzusu ilə tanış etdi. Əyani və texniki vəsaitlərdən istifadə edərək mövzunu tələbələrə izah etməyə başladı. Bu zaman yüksək pedaqoji ustalıqla tələbələri mövzunun izahına cəlb etdi. Fizikadan ayrı – ayrı anlayışların izahı, mənimsənməsi üçün qruplar yaratdı və daha sonra qiymətləndirmənin növlərini tələbələrə izah etdi. Açıq dərsin gedişində T.Tahirova tələbələrin fərdi xüsusiyyətlərini bacarıqla nəzərə alırdı.
Açıq dərsin sonunda tələbələrin iştirakı ilə T.Tahirovanın açıq dərsi 26 balla “yaxşı” qiymətləndirildi.