Fizika və texniki fənlər fakültəsinin Təsviri incəsənət kafedrasının baş müəllimi p.f.d Tağıyeva Ruqiyyə Akif qızı 11 aprel 2025-ci il tarixində Azərbaycan Elm və Təhsil Nazirliyi ADMİU, AR ETN İTİ və ATU-nun birgə təşkil etdiyi  «Müasir incəsənət məkanında süni intellekt: Problemlər və perspektivlər» adlı Beynəlxalq elmi-nəzəri konfransda  «İncəsənət sahəsində Süni İntellektdən istifadə və onun faydaları» mövzusunda çıxış edərək universitetimizi təmsil etmişdir.

Qeyd edək ki, Respublikamızda Süni intelekt sahəsində ilk dəfə keçirilən konfransın açılışını ADMİU-nin rektoru prof. Ceyran Mahmudovanın təqdimatı ilə Azərbaycan Milli Elmlər Akademiyasının l prezidenti, filologiya elmləri doktoru, professor Azərbaycan Respublikasının əməkdar elm xadimi, AMEA-nın həqiqi üzvü,  İsa Həbibbəyli etmişdir.